فيلم حماية شفاف لجميع انواع السيارات

دايما بنتسأل من العملاء اللي عاوزين يركبوا فيلم حماية شفاف واغلب العربيات بتكون زيرو وبنسبة كبيرة بتكون لسة حتى مرخصتش هو فيلم الحماية ده نوعه ايه ودايما بيكون ردنا على العميل فيلم الحماية صيني يا فندم وكتير من الناس اول مابتسمع صيني بتتخض وتقولنا طب ما فلان قالنا عنده امريكى والمانى وتايلاندى ومن بنجلادش وسعره ارخص من سعركوا ؟!!!!!!!!!!
المانى وأمريكي ب 2500 يا حلاوة يا حلاوة للأسف كل الكلام ده كذب لأن الأمريكي الموجود في مصر سعره لا يقل عن 15000 جنيه وطبعا اللي بيقولك الخامة اللي عنده امريكي وهي في الاصل صيني عشان يبيع أحب اقوله هتروح من ربنا فين ……
البوست ده هدفه توعية الناس سواء هتعمل عندنا او لا متصدقوش اي حد يقلكوا الخامة دي امريكى وألماني وسعرها 2000 او 4000 او حتي 7000 لأن بجد الخامات الأمريكى سعرها غالي جدا
أحنا بنشتغل بخامات صيني وجودتها عالية واختبرناها على عربيات كتير وبنقول للعميل قبل ما نركبها أن عمرها الأفتراضى من 9 شهور ل سنة مبنقولش سنتين وتلاتة زي ما ناس برده بتقول عشان تبيع وتفوجئ ان بوية العربية باظت او الفيلم علم فيها وتروحله يطلعلك اعذار ويقولك اصل انت بتسافر بالعربية كتير وبتركنها في الشمس ؟!!!!!!
وهو أنا جايب العربية مثلا أشيلها في البيت مانا أكيد هسافر بيها وهركنها احيانا في الشمس ده الطبيعى يعنى.
فى الأول و فى الأخر الفيلم الصينى كويس ومتقلقش منه طول ما انت بتغيره في ميعاده وساعات كتير ناس بتجيلنا بعد سنة وأكتر وبنقولها لسة الفيلم كويس ويكمل معاك بس في الغالب الناس دي بيكون أستخدامها للعربية قليل وبتتركن في جراج لأن طبعا الشمس والسفر الكتير بيأثر على فيلم الحماية .
فيلم الحماية الصيني احنا بنركبه علي العربيات الفبريكة بس وبنشيله لما بتيجي تاني عاوز تغيره في ميعاده بدون تأثير ع البوية تماما وبأمان تام.
الحمد لله أحنا ركبنا الفيلم ده عربيات كتير ولو حضراتكوا عاوزين تتفرجوا على العربيات دى صورها موجودة على البيدج وعلى فكرة فى عربيات سعرها معدى ال 3 مليون اتعملت عندنا ولأن صحابها واثقين وأحنا الحمد لله وكله بفضل ربنا كنا قد الثقة دى والعربيات جت مرة واتنين وتلاثة غيرت الفيلم بدون أى تأثير ع البوية .
فى النهاية أحب أشكر كل عملأنا الي شرفونا على مدار 22 سنة فى فرع دار السلام و3 سنين فى فرع المعادى والحمد لله كنا قد الثقة وان شاء الله نفضل كدا دايما.
مستنينكوا فى فروعنا على مدار الأسبوع من 11 صباحا ل 12 بعد منتصف الليل والجمعة بعد الصلاة .